मामुली एउटा सुब्बा तहको कर्मचारी घुमिफिरी एयरपोर्ट अध्यागमनमा पुग्छ । कहिले सिन्धुपाल्चोक प्रशासन त कहिले विपद् प्राधिकरणमा दरबन्दी राखेर त्यही खटिन्छ । उसका बारेमा कार्यालय भरी टीका टिप्पणी शुरु भए पछि कार्यालयका प्रमुखहरुले अनुमगमन गर्दछन्,कुर्सीमा कहिल्यै भेटिदैंन । महिनौं दिनसम्म कार्यालयमा हाजिर हुँदैन । कार्यालय प्रमुखले स्पष्टीकरण सोध्छन्,स्पष्टीकरण होइन कार्यालय प्रमुखको चाहिँ सरुवा हुन्छ ।
बिज्ञापन
यस्ता जब्बर र डन सुव्वा हुन राजीव महतो । त्रिवि अध्यागमनमा कम्युटर अपरेटरका जागिरे,उनी लामो समयदेखि त्यही रजगज गर्दै आएका । यस अगाडि सिन्धुपाल्चोक जिल्ला प्रशासन कार्यालय दरबन्दी राखेर होस वा विपद् जोखिम प्राधिकरणमा दरबन्दी राखेर अध्यागमन विभागमै बसेर रजगज गरिरहेका थिए । ०७८ भदौ ११ गते राष्ट्रिय विपद् जोखिम न्यूनीकरण तथा व्यवस्थापन प्राधिकरणमा काजमा सरुवा भएका उनी २०७८ चैत १४ को निर्णयानुसार पुन काजमा नै अध्यागमन विभागमा पुगेका थिए ।
बिज्ञापन
भिजिट भिसाको नाममा विचौलियासँग मिलेर गडबडी गर्दै आएको आरोप लागेका, बदमासी गर्ने सुव्वालाई तह लगाउन खोज्दा उल्टै हाकिम सेकिएका छन् । संघीय मामिला तथा सामान्य प्रशासन मन्त्रालयमार्फत उनले आफ्नो सरुवा नै उल्टाएका मात्र छैनन्,पुन सोही ठाउँमा जाने गरी प्रवन्ध मिलाइरहेका छन् ।
उनी कार्यालय समयमा कुर्सीमा नभेटिने र बाहिरै उठ्ती पुट्तीमा रमाउने गरेको गुनासो पछि तत्कालीन महानिर्देशक कोषहरि निरौला र अध्यागमन एयरपोर्टका हाकिम सुरेश पन्थीहरुको टोलीले अनुमगन गर्दा लामो समयसम्म सिटमा भेटिएनन् । ऐन अनुसार स्पष्टीकरण सोधियो । स्पष्टीकरण दिन जरुरी ठानेनन् ।
बिज्ञापन
दुई महिनासम्म कार्यालयबाट विना जानकारी गायब भएका उनी ६१ दिन पछि एकाबिहानै कार्यालयमा पुगेर हाजिरी लगाए । सिसि क्यामरा चेक गर्दा बिहान ३: ०० बजे कार्यालयमा पुगेर हाजिर गरेर टाप कसेको भेटियो । निजामती सेवा ऐनमा ९० दिनसम्म विनाकारण गयल भएको खण्डमा उसलाई जागिरबाट हटाउन सकिन्छ । त्यहीबाट बच्नका लागि ६१ दिनमा एकपटक र ७५ औं दिनमा एक पटक कार्यालयमा पुगेर हाजिर लगाएको भेटेसँगै अध्यागमन एयरपोर्टले क्यानलाई महतोको स्थायी पास रद्ध गर्न पत्र काटिएसँगै उनको पास रद्ध भयो,हाजिर डिसएबल ।
अनि शुरु भयो सुव्वाको खेलोमेला । आफूविरुद्ध लाग्ने हाकिम सुरेश पन्थीलाई कसुरजन्य सम्पत्ति व्यवस्थापन विभागमा सरुवा गराइयो र कोषहरिलाई समय नपुग्दै त्यहाँबाट हटाइयो अहिले त्यहाँ तिर्थराज भट्टराईलाई लगिएको छ । बरु यो बीचमा तिनै बदमासीमा मुछिएका सुव्वालाई जोगाउन संघीय मामिला तथा सामान्य प्रशासन मन्त्रीकै सचिवालयबाट फोन लगाउने सिलसिला जारी छ । स्रोतका अनुसार,महतो र संघीय मामिला मन्त्री राजकुमार गुप्ताका छोरा एकै व्याची हुन,एउटै कलेजमा पढेका । बदमासीमा मुछिएका महतोको सरुवा भूमि व्यवस्थापन विभागमा गरिएको भए पनि मन्त्रीको छोरामार्फत सरुवा उल्टाएर अहिले अर्थमा खटाइएको छ । यद्यपि सरुवा भएको कार्यालयबाट रमाना लिएका छैनन् । रमाना पत्र बुझ्न मानिरहेका छैनन्,उनी ।उनी एयरपोर्ट अध्यागमनमै फर्किनका लागि शक्तिकेन्द्र लगाइरहेका छन् ।
उता अहिले गृह स्रोतका अनुसार,अध्यागमनमा ९ जनामात्र अधिकृतको दरबन्दी रिक्त रहेको भए पनि दुई लटमा गरेर ३६ अधिकृतलाई त्यहाँ हाजिर गराइएको छ । यसरी लगिएकामा अधिकांश मन्त्रीका गृह जिल्ला र सूदुरपश्चिमतिरका अधिकृतहरुको बोलबोला रहेको छ ।
पोखरा,भैरहवा,रसुवा,सिन्धुपाल्चोक लगायतका अध्यागमन कार्यालयमा दरबन्दी अनुसार अधिकृतस्तरका कर्मचारी नहुँदा एयरपोर्ट अध्यागमनमा दरबन्दीभन्दा दुई दर्जन बढी अधिकृतहरुलाई त्यहाँ खटाएर खेतीपाती गर्ने मौका दिइएको प्रति गृहकै कर्मचारी असन्तृष्टि पोख्दैछन् ।
